لكل المهتمين بصناعه الموسيقى وخصوصا التسجيل و الميكساج والاستوديو المنزلي ، معظم الناس للأسف بتقلل من أهمية عزل و معالجة المكان صوتيا و بيهتموا أكتر بالعدة والبرامج لإعتقادهم انها الأولويه.

بعد فتره من المشاريع الغير ناجحه ، يبدأوا يوصلوا لسبب المشكله و يفكروا:
"عشان كده جودة التسجيل بتطلع قليلة؟ عشان كده الميكساج بياخد وقت طويل جدا وبرده كل ماهتروح مكان مختلف هتسمع حاجه مختلفه؟"

كويس جدا انك وصلت لسبب المشكله ، بس الأهم تعرف ايه المفروض يتعمل بقى؟ لأن عزل و معالجة الصوت في المكان اللي بتشتغل فيه ممكن تكون قصة كبيرة و مصاريف كتيرة وكله ممكن يبقى اترمى في الأرض لو طلعت في الآخر مش مظبوطه!
يبقى لازم نفهم الأول الفرق بين العزل الصوتي و المعالجه الصوتية؟

العزل الصوتي: الغرض منه تقليل مستويات الصوت اللي بتعبر من خلال الجدران و السقف ، من داخل الغرفه للخارج و العكس عن طريق مواد عازله للصوت ، وبالتالي تعرف تشتغل في اي وقت من غير ما تشيل هم الجيران او محاضر الإزعاج

اما المعالجه الصوتيه: فالغرض منها التحكم في الصوت و انعكاساته داخل الغرفه عشان تسمع صوت صح ، وبالتالي تعرف تعمل تسجيل للصوت و ميكساج بجودة أحسن كتير

ولأن الخطوتين مهمين و للأسف معظم المبتدئين اول ما بيوصلوا للنتيجه دي بيجروا يشتروا مواد عازله وادوات لمعالجة الصوت ، نصيحه لازم الاول تقيم مدى احتياج المكان وحجم المشكله عندك قبل الشراء.

اتمشى داخل المكان او الغرفه و قم بالتصفيق من كل نقطه واسمع بتركيز في الصوت الناتج ، في اسوأ سيناريو هتسمع صوت رنين معدني قوي وده معناه انك
هتحتاج امتصاص قوي للصوت ، في أفضل سيناريو هتسمع صدى لطيف وده معناه هتحتاج امتصاص خفيف للصوت ، في معظم الحالات الصوت هيكون في نقطة ما بين الاتنين وبالتالي تقدر تحدد انت محتاج قد ايه

Like Share
Latest Blog Articles

Download Jobzella Mobile App

Jobzella mobile app for Android and iPhone