دليلك للشغل مع جوبزيلا. بس قول #عايز_أشتغل

17398
17398

مين مننا مش عايز يلاقي وظيفة أحلامه بأقل مجهود ممكن؟ بس ده مش بيحصل للأسف. كلنا عايزين نشتغل ونبدأ حياة مهنية ناجحة وعايزين كل ده حالاَ.

بس انت محظوظ على فكرة لأن جوبزيلا بتقدملك فرصة ذهبية عشان تدخل عالم التوظيف الإلكتروني بجد وتلاقي وظيفة أحلامك صح. كل اللي عليك تقوله هو #عايز_أشتغل

لا مش سحر ولا شعوذة. عالم التوظيف مفيهوش سحر. إنك تلاقي وظيفتك الجاية على الإنترنت معناه إنك تعمل مجهود وتدور بجد وتفهم طبيعة الشغل اللي انت عايزه وتفهم متطلبات مسؤولي التوظيف في الشركة اللي بتقدملها. فريق جوبزيلا بأكمله قرر يساعدك ويرشدك للطريق الصحيح لإيجاد وظيفة على جوبزيلا وهيقولك على أكتر المفاهيم الخاطئة في عالم التوظيف الإلكتروني وكمان هيساعدك تلاقي وظيفة أحلامك وتقدملها صح.

إكتشف معانا أكبر المفاهيم الخاطئة في سوق التوظيف وخاصة على جوبزيلا

1- مانا حطيت السي في وبعتها للناس على جوبزيلا

الحقيقة إن مواقع التوظيف بتموت في العالم. فكرتها بقيت قديمة لأن أي حد محتاج يشغل ناس بيكون محتاج يفهم طبيعة تعليمهم ومؤهلاتهم وخبراتهم الشخصية ومن هنا بدأ عصر التوظيف الجديد اللي انت لازم تكون جزء منه. فكر فيها زي مسؤول التوظيف، يعرف هو أو هي منين قدراتك وهو عنده مليون سيرة ذاتية كلها شبه بعض؟ التوظيف سباق وانت لازم تظهر وسط الملايين وبروفايلك المكتمل على جوبزيلا اللي بتدخل تحدثه كل يوم بيوضح اهميتك لسوق العمل بجد.

2- صورة السيلفي بتاعة الساحل حلوة

اولا: انت شفت صورة السيلفي بتاعة سعيد عملت ايه؟

ثانيا: صورة وش البطة او الساحل مع صحابك جميلة بس جميلة على فيسبوك أو إنستجرام. لكن جوبزيلا شبكة تواصل مهنية يعني لازم صورك تكون مهنية الشكل. لو مش عارف أو محتار، خليك مع صورة الباسبور او كارنيه الجامعة.

3- ما انا سبت تعليق عندكم على الفيسبوك وقلت عايز وظيفة ومحصلش حاجة.

طبعاَ إحنا بنحب نتواصل معاك على فيسبوك وكل وسائل التواصل الإجتماعي التانية لكن إنك تكتب مميزاتك وتعليمك وشهادتك الجامعية على فيسبوك مش الطريق الصح إنك تلاقي وظيفة. لازم تبذل مجهود وتعمل بروفايل يكسب إعجاب وتقدير كل اللي يقراه ويعرض مميزاتك بصورة سهلة مبسطة منظمة. كل اللي لازم تعمله هو إنك تدخل على جوبزيلا، تعمل حساب تملا بياناته بالتفصيل ومن ساعتها اللينك دي أو الرابط ده هيكون مدخلك لوظيفة أحلامك.

GetMeHired

4- قدمت على كل الوظائف اللي عندكوا ومحصلش حاجة

السؤال ده معقد شوية. يعني في الاول مثلاَ: هل كل الوظائف اللي قدمت عليها مناسبة لمهاراتك وخبراتك ودرجتك التعليمية؟ أكيد لأ. طيب مثلاَ، إنت عايز اي شغلانة والسلام؟ شايف إن ده صح ولا شايف انك عايز شغلانة واحدة مناسبة ليك تقدر تكبر فيها؟ بننصحك تاخد شوية وقت تستكشف فيهم إمكانيات البحث الجامدة على جوبزيلا وتلاقي شغلانات تناسبك بجد وإنت تنفع فيها بجد.

إنك تقدم على وظيفة مش مناسبة ليك او وظائف كتير على أمل إنك تزود فرص توظيفك مش الاختيار الصح ابداَ خاصة انك غالبا بتكون قدمت على كذا وظيفة في نفس الشركة وده مش مهني على الإطلاق. من حقك تختار زي ما من حق مسؤول التوظيف إنه يختار. إختار الوظيفة اللي تناسبك بجد والوظيفة اللي انت عايزها وتناسب قدراتك بجد.

5- معاكو الإيميل بتاعي ونمرتي ورفعت السي في على الموقع وخلاص. مش بتكلموني ليه؟

جربت تقدم على الوظيفة المناسبة ليك؟ طيب جربت تتابع وتتواصل مع الشركات اللي انت عايز تشتغل فيها؟ لازم تكون متواصل بصورة أكبر على جوبزيلا لأن جوبزيلا شبكة تواصل مهني مش موقع توظيف والسلام. لازم تبني شبكة خاصة بيك الناس تعرفك فيها والشركات تلاقيك عن طريقها ولازم تتكلم بصورة مباشرة مع مسؤولي التوظيف عشان تثبت قدراتك بجد ويحطوك في الوظيفة اللي انت تستحقها.

6- انا قدمت على كل مواقع التوظيف ومحدش عبرني واتخنقت!

معلش متزعلش. الحياة كفاح وبجد مفيش حاجة تستاهل بتيجي بالساهل. مش عشان مواقع التوظيف التقليدية مش بتساعدك ده معناه إنك تفقد الأمل. جرب فكرة التوظيف عن طريق التواصل المهني وأكيد هتلاقي فرق وهتوصل لحلمك.

لسه مش مصدق؟ مفيش مشكلة! إبعتلنا رابط حسابك على جوبزيلا عن طريق فيسبوك، تويتر، إنستجرام، يوتيوب أو جوبزيلا نفسها وهنقولك تعمل ايه وتروح فيه وتحسن موقفك في سباق التوظيف إزاي وهندلك على الوظيفة المناسبة ليك. متتأخرش. مستقبلك مستنيك. بس قول #عايز_أشتغل

إقرأ هذا المقال أيضا باللغة: الإنجليزية

في هذه المقالة

شارك برأيك