كيفية كتابة السيرة الذاتية | كيفية عمل cv

22534
22534
cv writing

* كيفية كتابة السيرة الذاتية | كيفية عمل cv  ؟

لما تقعد تكتب السيرة الذاتية  خلي في بالك انك بترسم الانطباع الاول اللي عايز توصله لمديرك. ولو كتبت الــ سى فى  بطريقة صحيحة، ممكن توصل الى وظيفة احلامك. و عشان كده في ناس كتير بتحس انها معندهاش ما يكفي انها توصل وتنجح في الوظيفة المعروضة، خاصة لو كانوا حديثي التخرج. بس الناس بتنسى ان كيفية كتابة cv  بترسم  مسار حياتهم. بمعني اخر السيرة الذاتية مش بس الانجاز المهني.

عمل سيرة ذاتية بتشمل المهارات اللي اتعملتها والمؤهلات والقدرات اللي إكتسبتها وساعات كمان بتوضح اهتماماتك وهواياتك، لانها بتمثل جزء غصب عن أي حد مهم في حياتك و شخصيتك. عشان كده، جوبزيلا بتقدم بعض الاجزاء المهمة اللي ناس كتير مبتفكرش فيها لما بيكتبوا سى فى عربى أو إنجليزى. بمعني اخر، اكتشف مع جوبزيلا  كيفية عمل cv . ازاي ممكن تقوي سيرتك الذاتية خاصة لو كنت حديث التخرج.

طريقة كتابة cv ؟

العمل التطوعي:

اي عمل قمت به يؤخذ في عين الاعتبارعند كتابة سى فى عربى أو انجليزى، حتى لو مكانش فيه عقد رسمي، او لو مكانش عندك مدير، او لو مكنتش بتاخد مرتب. لانك لو انضميت لفريق عشان تجهزوا شنط طعام للفقراء، على سبيل المثال، فده معناه انك بتعرف تشتغل في فريق. والعمل الجماعي من اهم المهارات اللي بيدور عليها المدير في فريقه، و بتبرز سيرتك الذاتية و ملفك على جوبزيلا. وكجزء من الفريق، اكيد اتطلب منك تعمل مهمة معينة. وانهاءك للمهمة بنجاح ده يعني انك ملتزم بالعمل و بتحترم المواعيد. والتطوع كمان بيدل على انك شخص نشيط بيحب العمل ومساعدة الغير. ومن ناحية تانية، العمل التطوعي اكيد علمك مهارات جديدة او قوى من المهارات اللي عندك، زي ثقتك في نفسك، و مرونتك في التعامل مع الآخرين و مع المواقف المختلفة او المشاكل.

نصيحة جوبزيلا ليك كيفية كتابة السيرة الذاتية :

عند عمل سيرة ذاتية مش مهم قد ايه العمل المطلوب منك كان صغير او بسيط، المهم ايه اللي اتعلمته من العمل ده، ازاي كَبَر من قدراتك، وازاي نجحت في انك تسيب اثر ايجابي. فدور في الاعمال التطوعية اللي قمت بها قبل كده، وفكر في انجازاتك والمهارات اللي اكتسبتها، و ضيفها لسيرتك الذاتية و لملفك الشخصي على جوبزيلا عشان تلاقي وظيفة أحلامك.

طريقة كتابة cv : الخطوة الثانية

الانشطة والنوادي:

معظم حديثي التخرج كانوا أعضاء في أنشطة مختلفة في جامعاتهم، و معظم الناس دلوقتي أعضاء في نواديهم الرياضية. ده معناه انهم شاركوا في انشطة متنوعة ممكن يضيفوها لـ السيرة الذاتية بتاعتهم. بتختلف الأنشطة دي عن الأعمال التطوعية في ان الناس ديعندهم عضوية بينفذوا من خلالها بعض المهام، و بيتعلموا مهارات جديدة. لكن، اهم نقطة لازم تاخد بالك منها فى كيفية عمل cv ، ان اي نشاط او عضوية تضيفها لسيرتك الذاتية، لازم يكون لها علاقة بالوظيفة اللي انت مقدم عليها. فمثلا لو كنت عضو في النادي الاعلامي في الجامعة، هيفيدك انك تكتب الانشطة اللي قمت بها لما تقدم على وظيفة في المجال الاعلامي. او لو كنت المدير المالي للنادي الطللابي أو أمين الخزنة، مثلا، مهم انك تكتب ده لما تقدم على وظيفة في مجال التجارة و ادارة الاعمال.

نصيحة جوبزيلا ليك بخصوص كيفية كتابة cv :

قم بكتابة السيرة الذاتية بالإنجليزية ( أو سى فى عربى ) و ملفك الشخصي على جوبزيلا. الانشطة اللي لها علاقة بس بالوظيفة اللي انت مقدم عليها أو بتدور عليها.

* الخطوة التالتة فى كيفية كتابة السيرة الذاتية | كيفية عمل cv  ؟

الاهتمامات والهوايات:

ناس كتير بتفتكر ان كتابة الاهتمامات و الهوايات في السى فى أمر بيعتبر غير مهني. بس هما بينسوا ان الاهتمامات و الهوايات بتعكس جزء اساسي في هويتهم  و شخصياتهم. الهوايات بتعبر عن مواهب الشخص، و احيانا ميوله و قدراته. اما الاهتمامات فبتعبر عن المهارات و المعرفة اللي اكتسبها الشخص. وغالبا الاهتمامات بتكون في مجالات جديدة ماهتمش بها قبل كده، ولكنه قرر فجاة انه يتعرف عليها من خلال الدراسة او التجربة. على سبيل المثال، لو شخص اهتم بمجال صياغة الشفرات و اخد دروس اونلاين، ده هيفيده في التقديم لوظيفة في شركة مختصة بتكنولوجيا المعلومات.

نصيحة جوبزيلا  ليك عند عمل سيرة ذاتية :

 هواياتك و اهتماماتك جزء مهم من شخصيتك، عشان كده اوعى تخجل او تشعر بعدم المهنية في انك توريهم لمديرك في الشغل أو مسؤول التوظيف في المقابلة الشخصية. لكن، افتكر دايما انك تكتب اللي لهم علاقة بالوظيفة اللي بتسعى ليها بس.

متنساش تقرا دليل جوبزيلا لأهم 100 سؤال وإجابة: أصعب أسئلة مقابلات العمل وإجاباتها‎

*الخطوة الرابعة عند كتابة cv :

الهدف المهني:

في الجزء ده بتكتب عن الهدف اللي عايز توصله. بتكتب جملة مختصرة عن عايز تشتغل ايه و فين و ازاي الوظيفة ديهتساعدك انك تحقق هدفك. الجزء ده مهم لانه بيدل على انك شخص طموح و دايما بتحاول تطور من نفسك و تسعى للاحسن.

نصيحة جوبزيلا ليك: اي مدير بيدور على شخص يفيد شركته و يستفيد خبرة في نفس الوقت. عشان كدة، اتاكد من انك تبين قدرتك على النجاح في الوظيفة، و طموحك في انك تحقق انجازات اكتر من المتوقع.

نصيحة تانية ليك: طريقة كتابة cv كويس هي بطاقة التعريف اللي بتقدمك و بتعرف اي مدير عليك. عشان كدة لازم تعكس شخصيتك، وتعبر عنك. انت شخص فريد و عندك مؤهلات تميزك عن اللي حواليك، و عشان تساعد اي مدير انه يفهم ده، لازم تكون السيرة الذاتية شبهك. خليها مهنية و منظمة، بس متستخدمش نماذج جاهزة، تضيف فيها بياناتك بس، ولكن اكتب سيرتك و صممها بنفسك ومتنساش ترفعها على جوبزيلا وتضيف كل اللي فيها في حسابك الشخصي.

ايه أكتر الخبرات اللي انت مريت بيها في حياتك وشايف ان المفروض تتكتب في سيرتك الذاتية وصفحتك على جوبزيلا؟ شاركنا تجربتك في كل مقابلات العمل التي تعرضت لها على جوبزيلا ، فيسبوك، تويتر،إنستاجرام، يوتيوب أو بينترست.

إقرأ هذا المقال أيضا باللغة: الإنجليزية

في هذه المقالة

شارك برأيك