#GetMeHired: أنت عارف أنت عايز ايه؟

6515

ثانية واحدة. جوبزيلا، وهي شبكة تواصل مهنية وإحترافية هي اللي بتسألك السؤال ده. ليه؟ عشان جوبزيلا عايزاك تبني حياتك المهنية وتساعدك تلاقي شغل صح من أول مرة. دلوقتي، السؤال هو: أنت عارف أنت عايز إيه؟ عارف عايز تشتغل إيه بقية عمرك؟ خدت القرار؟

لو عايز بجد تكتشف الحياة المهنية المثالية ليك، جوبزيلا هتساعدك تحدد كل حاجة من الأول وتاخد القرار الصح حتى لو أنت شايف الوقت إتأخر.

البداية؟ إسأل نفسك الأسئلة دي:

1- لو قدامي الفرصة أبدل الشغل مع صديق ليا، هختار أبدل مع (—-) والسبب (—-)

2- طول عمري نفسي أجرب أشتغل (—-)، الموضوع شيق بالنسبة لي والسبب (—-)

3- لو كانت قدامي الفرصة أدرس أو أتعلم كورس جديد، هتعلم (—-) والسبب (—)

4- أهلي وصحابي بيقولوا إني شاطر في (—) والسبب (—)

5- أكثر حاجة بحبها في شغلي هي (—-) والسبب (—)

6- بعد عشرين سنة من دلوقتي،عايز اكون مشهور ب(—) والسبب (—-)

7- لو إضطريت أشتغل في يوم جمعة معنديش مانع أشتغل على (—) والسبب (—)

E1-Ar

نفس عميق…

خد نظرة متمعنة على الإجابات.

بالتأكيد هتلاقي شوية كلمات ظهرت أكتر من مرة. يعني مثلاَ، لو في إجاباتك لقيت كلمات زي ألوان، رسومات أو تصميم أكثر من مرة يبقى القاسم المشترك هو التصميم أو الرسم.

مش ضروري هنا إنك كان لازم تكون بيكاسو من البداية. لكن الكلمات هنا بتوجهك ناحية حاجة أنت بتحب تعملها ومبسوط فيها ومفيش مانع تعملها ببلاش مثلاَ. إقتراح جوبزيلا هنا هو إنك تفتح شبكة جوبزيلا وتبدأ البحث على وظائف بكلمات  البحث اللي لقيتها، أبدأ تقرأ وصف الوظائف اللي تلاقيها بالكلمات دي وإمسح الوظائف اللي مفيهاش كلمات البحث اللي طلعتها.

خطوة بخطوة ويوم بعد يوم هتلاقي خط بيترسم، ده خط وظيفة أحلامك والطريق للوصول ليه. إمشي وراه للإخر. شوف الإختيارات المتاحة، جرب تقرا عنها أكثر، جربها لو حتى ببلاش أو على سبيل الفريلانس. مبسوط؟ حاسس إنك لقيت نفسك؟ بتفتح الإيميل بتاعك بحافز أكبر؟ كلها علامات إنك على الطريق الصح.

لكن، إفرض كل الدلائل والإجابات واخداك ناحية تغيير وظيفتك ونشاطك المهني كله؟

فكرة مخيفة شوية، صح؟

جوبزيلا مش هتضحك عليك. الفكرة بدايتها مخيفة شوية. متقفلش. كل حاجة ليها حل. صحيح المجتمع ليه شوية قواعد بتخوف وهتلاقي اللي حواليك بيخوفوك من فكرة تغيير مسارك والبداية من أول و جديد. صح على فكرة، البدايات الجديدة مخيفة. لكن، ما أنت عندك أسبابك على فكرة. مين عايز يقضي بقية عمره بيدور على وظيفة أو شغال في وظيفة مش بتشبع أي حاجة جواه؟

إحنا في جوبزيلا بقالنا سنين في مجال الشبكات الإلكترونية والتوظيف الإلكتروني وعايزين نقولك إن فكرة البحث عن المسار الوظيفي المشبع لطموحاتك وقدراتك وأحلامك مش فكرة سهلة. ومفيش ضمانات إنك لما تعرف عايز أيه إنك هتقدر تعمله بسهولة. لكن إحنا كمان عارفين إنك مينفعش تشتغل في وظيفة عشان” مقبولة إجتماعياَ” أو “وظيفة مضمونة” أو وظيفة فيه ناس تانية حطتك فيها، زي مكتب التنسيق مثلاَ. الضمان مش هو المهم، المهم إنك لو إستسلمت هتلاقي نفسك بعد كام سنة مكتئب ومش لاقي نفسك والإهم، مش مبسوط.

كل حاجة في الشغل صعبة لكن مش مستحيلة. أنت عايز تشتغل وعايز تلاقي شغل وعايز كل ده يحصل النهارده، وده حقك ولازم تجري وراه. جوبزيلا مقدرة إنك متلخبط وحيران ومش لاقي نفسك وجوبزيلا عايزة تساعدك وعايزة تساعدك النهارده.

إستخدم هاشتاج #GetMeHired على جوبزيلا، فيسبوك، إنستاجرام وتويتر وإسئلنا كل أسئلتك وكل اللي خايف منه والمتخصصين في جوبزيلا هيردوا عليك فوراَ ويساعدوك تلاقي وظيفة أحلامك على طول.

متضيعش وقت في الخوف أو في وظيفة مش بتشبعك وخلي جوبزيلا تساعدك النهاردة.

In this article

Join Conversation